Ал, қанеки, қыздар!
Ал, қанеки, қыздар!
Мектеп мәжіліс залында көркем еңбек пәнінің мұғалімі М.Ердененованың ұйымдастыруымен «Ал, қанеки, қыздар!» тақырыбында қыздар арасында сайыс өткізілді. Сайыста 9 сыныптың ару қыздары көрермендерге өз өнерлерін паш етті. Ең алдымен, бұрымдылар өз топтарын таныстырып өтті. Жарыстың келесі шарты бойынша ару қыздарымыз сұрақтарға жауап беріп, өз білімдерін көрсетсе, өз қолдарымен жасаған дәмді салат түрлерін ұсынды. Сонымен қатар, ою ойып, ұшқыр ойларын көрсетіп, мақал-мәтелдер айтып, жұмбақ шешіп, тіл байлықтарын да көрсете білді. Сайыстың барлық шарттарынан сүрінбей өткен Жангелдиева Замира Жарылқағанқызы жетекшілік ететін 9 «Ә» сыныбының ару қыздары жарыста жүлделі 1 орынды жеңіп алды. Екінші орынды 9 «Б» сыныбы, үшінші орынды 9 «А» сыныбы иеленді. Тартымды өткен сайысқа мектеп директоры Р.Темербеков қатысып, шараға өз бағасын берді.