Жылдың үздік мұғалімі

Т.Рүстембеков атындағы орта мектепте «Жылдың үздік мұғалімі - 2022» аудандық байқауы өтті. Аталмыш шараға ауданның барлық мектебінен 24 ұстаз қатысты. Солардың бірі, Байысов орта мектебінің ағылшын пән мұғалімі Маржан Иманғабулова сайыста бақ сынады. Мектептің абыройын арқалап барған Маржан Мәуленқызы екі кезеңнен тұрған сайыста бірінші болып сахна төрінде өнер көрсетті. Бірінші кезеңде мектебіміздің ұстазы өзінің жетістіктерін, оқушылармен жүргізген жұмыстарын слайд арқылы көрсетіп, көпшіліктің назарын аударса, сайыстың екінші кезеңі бойынша Маржан Иманғабулова берілген сұраққа жауап бере отырып, өзінің сөзге шеберлігін, ой ұтқырлығын көрсете білді. Байқау барысында өзінің дайындығын, білімін жеткізе білген Маржан Мәуленқызы аудан алдында мектебіміздің намысын қорғай білді.