Үстел теннисі

Наурыз айының 14-18 күндері аралығында Талдықорған қаласы Жастар спорт сарайында үстел теннисінен Жетісу облысының чемпионаты өтті. Бұл жарысқа мектебіміздің спортшы оқушылары мен мұғалімдер қатысып, жүлделі орындармен оралды. Атап айтқанда, мектебіміздің дене шынықтыру мұғалімі Қанат Амангелдіұлы белсенділік танытып, командалық 3 орынды жеңіп алды. Ал оқушылар арасында Сайын Дәулетұлы 3 орынға ие болды, сонымен қатар бұл оқушы үлкендер арасында да ойын көрсетіп, жүлделі орын алған команданың мүшесі, қыздар арасында Арна Жұматбек пен Маржан Әбен 2 орынға көтерілді. Мектебіміздің намысын қорғап, жүлделі орындармен оралған спортшыларымызға алдағы жеңістерге сәттілік тілейміз.