«Талаптың мініп тұлпарын, алға ұмтыл ұрпағым!»

Құқық айлығы негізінде директордың тәрбие жөніндегі орынбасарлары Ж.Искакова, Е.Ешмұханбет, ұйымдастырушы-ұстаз А.Ахметқызы және дене шынықтыру пәні мұғалімдерінің ұйымдастыруымен салауатты өмір салтын насихаттау, ауылдағы спортты дамыту, ата-ананы мектепке тарту, балаларды спортқа баулу мақсатында «Талаптың мініп тұлпарын, алға ұмтыл, ұрпағым!» атты отбасылық спорт жарысы өтті. Жарысқа 7-сынып оқушылары ата-аналарымен қатысты. Атап айтсақ, 4 топ: Бидахмет отбасы, Қошақановтар отбасы, Асанбековтар отбасы және Майоровтар отбасы. Жарыс барысында «Бәйге», «Аспазшы», «Секіртпемен секіру», «Қаппен секіру», «Кенгуру», «Арқан тартыс» сайыстары жүргізіліп, әділқазылар алқасы әр сайысқа өз бағаларын берді. Әр сайыста да белсенділік танытқан Асанбековтар отбасы бас жүлдеге ие болса, Қошақановтар отбасы І орын, Майоровтар отбасы ІІ орын және Бидахмет отбасы ІІІ орынды иеленді.