Ата-аналар жиналысы

Байысов орта мектебінің жоспарына сай 25-ші қыркүйек күні мектепішілік жалпы ата-аналар жиналысы өтті. Аталған жиынға мектеп әкімшілігі мен ұстаздар және ата-аналар қатысты. Күн тәртібінде төрт мәселе қарастырылды. Ең алдымен  мектеп директоры Темербеков Рүстем Сайынұы  оқушылардың қауіпсіздік шаралары туралы айта келе, сыбайлас жемқорлыққа  қарсы іс-қимыл туралы есеп берді. Мектеп директорының тәрбие ісі жөніндегі орынбасарлары мектептің ішкі тәртіп ережелері және оқушылардың құқықтары мен міндеттері туралы айтып берді. Сонымен қатар, мектеп психологтары «Буллинг дегеніміз не және одан баланы қалай қорғай аламыз» тақырыбында видео, слайдттар арқылы түсіндіріу жұмыстарын жүргізді. Оқушылардың тегін ыстық тамақпен қамтылу мәселесі де қозғалып, мектептің әлеуметтік педагогы әлеуметтік мәртебесі бар балалармен қоса, 1-4 сыныптар арасындағы жалпы ыстық тамақпен қамтылған оқушылар туралы ақпарат берді. Жиналыста оқушылардың денсаулықтары да айтылып, мектеп мейірбикесі тұмаудан сақтану жолдарын түсіндіріп, оқушылардың тазалықтарына ерекше мән беру керектігін баса айтты. Күн тәртібіндегі мәселелермен танысқан ата-аналар өз сұрақтарын қойып мектеп басшысына ұсыныстарын айтты. Ойларын ортаға салған ата-аналардың сұрақтарына жауап берілді.