Құқық қорғау органдары қызметкерлерімен кездесу

08.02.2022ж Құқық қорғау органдары қызметкерлерімен кездесу: «Менің құқығым – менің бағдарым» Құқық бұзушылық кодексінің баптарымен таныстыру мақсатында мектеп инспекторы М.Насыржановтың қатысуымен мектеп мәжіліс залында ұлдармен кеңес өтті. Кеңес барысында оқушыларды қылмыстық, азаматтық, әкімшілік құқықбұзушылық құқықтарымен таныстырып, ұлдарға темекінің зияндығы, зорлық-зомбылықтың алдын алу сынды тәрбиелік-құқықтық кеңестер беріліп, оқушылар өз ой-пікірлерімен алмасты.

09.02.2022ж «Бала тәрбиесіндегі ата-ананың құқықтық сауаттылығы», «Құқықтық тәрбиені қалыптастыруда отбасының рөлі» тақырыптарында ата-аналармен жиналыс өтті. Жиналысқа Мектеп инспекторы М.Насыржанов қатысып, ата-аналарға Қазақстан Республикасының заңнамасы бойынша тұрмыстық зорлық-зомбылық түрлері, сондай-ақ олар үшін кодификацияланған (жүйеленген) заңнама бойынша заңдық жауапкершіліктің бар екендігін, отбасылық-тұрмыстық қатынастар саласындағы заманауи ұғымдар мен жергілікті полиция қызметінің заңдық құзыретіне жататын құқық бұзушылықтардың құқықтық сипаттамасын айтты. Өмірлік қиын жағдайға түсіп қалған тұрмыстық зорлық-зомбылық құрбандарының жағдайын анықтау үшін әлеуметтік қызметкер мен психологтың қатысуымен жүргізілген іс-әрекеттерге тоқталып, зорлық-зомбылықпен күрес ҚР мемлекеттік басым міндеттердің бірі ретінде айқындалғанын, тұрақты даму мақсаттарының бірі – барлық зорлық-зомбылық нысандарының таралуын едәуір қысқарту, ол мемлекеттік саясаттың осы саладағы сындарлы және айқын шараларын талап ететін түсіндірді.