24
февраль
2022
Ауылдық округінің бас имамымен кездесу
Ата-аналармен, полиция бөлімі өкілдерінің қатысуымен 01-28.02.2022 ж. аралығында тақырыптық айлық жүргізілуімен қатар, психологиялық көмек көрсету «Құқығым бар!» қоғамдық қабылдау бөлмесі ұйымдастырылып, қиын оқушылармен психологиялық дәрістер жүргізілді. Егер ата-ана ескерту жасаса, бірден ашу шақырып, дүрсе қоя бермей, сабыр сақтауға шақырды. Ата-ана сырттай білдіртпегенмен, «баламның табанына кірген шөңге маңдайыма қадалсын» деп іштей ойлап жүретінін, бала – ата-ана өмірінің жалғасы, қызығы екенін, олар да үлкейіп қалған баласымен қалай қарым-қатынас жасауды білмей, абдырайтыны жөнінде кеңестер беріліп, 8б, 9б сыныбында «Подростковый суицид» тақырыбында өткен ата-аналар жиналысында оқушылар, ата-аналар арасында әңгіме, баяндау, сауалнама жұмыстары жүргізілді. 9а сыныбындағы «Өмір – өмір сүру үшін берілген» пікір-талас дебат «Өмір, неткен керемет!», «Адамның өз еркімен өмірін қию» тақырыптарында екі топ арасында өтті.
Сонымен қатар, мектеп оқушылары арасында Алдабергенов ауылдық округінің бас имамы Аманбек Елісханұлымен кездесу өтті. Оқушылардың бойына рухани адамгершілік қасиеттерді ұялату мақсатында өткен кездесу барысында мейірбандылық, шыншылдық, қайырымдылық және әдептілік туралы сөз өрбіді. Жиынға арнайы келген бас имам Аманбек Елісханұлы оқушылармен пікір алмасып, адамгершілік, адалдық қасиеттер туралы кеңінен айтып берді. Ал оқушыларымыз көкейлерінде жүрген сұрақтарын қойып, тұщымды жауап алды. Мектеп психологы Райгүл Қалқабаеваның ұйымдастыруымен өткен басқосуда «Адалдықтың өтемі» туралы бейнематериал көрсетіліп, өмір туралы өлең шумақтары оқылды.
Теги:
Психологтар жұмысы