«Әкем, анам және мен!» отбасылық спорт жарысы

«Әкем, анам және мен!» отбасылық спорт жарысы

7 сәуір – Дүниежүзілік денсаулық күніне орай директордың тәрбие жөніндегі орынбасарлары Ж.Искакова, Т.Қожахметов, ұйымдастырушы-ұстаз А.Ахметқызы және дене шынықтыру пәні мұғалімдерінің ұйымдастыруымен салауатты өмір салтын насихаттау, ауылдағы спортты дамыту, ата-ананы мектепке тарту, балаларды спортқа баулу мақсатында «Әкем, анам және мен!» атты отбасылық спорт жарысы өтті. Жарысқа 7-сынып оқушылары ата-аналарымен қатысты. Атап айтсақ, 4 топ: Бейсенбаевтар отбасы, Дәулетхановтар отбасы, «Алғырлар» командасы мен «Адади» командасы. Жарыс барысында «Бәйге», «Аспазшы», «Секіртпемен секіру», «Қаппен секіру», «Кенгуру», «Арқан тартыс» сайыстары жүргізіліп, әділқазылар алқасы әр сайысқа өз бағаларын берді. Әр сайыста да белсенділік танытқан Бейсенбаевтар отбасы бас жүлдеге ие болса, Дәулетхановтар отбасы І орын, «Адади» командасы ІІ орын және «Алғырлар» командасы ІІІ орынды иеленді.