05
март
2022
8-Наурыз – Халықаралық әйелдер күні
Әйел-Ана — өмірдің өзегі, тіршіліктің күре тамыры, ыстық ықылас пен ыждаһаттың, пәктік пен тазалықтың қайнары. Еліміздің сән-салтанаты мен мерейінің үстем болуы қашанда нәзік жандардың еселі еңбегі мен қажырлы қайратының қарымды үлесі жатыр. Олай болса, көктемнің осынау шуақты мерекесіне орай Байысов атындағы орта мектепте мерекелік шара ұйымдастырылып, мектептегі барша ұстаздар қауымының оның ішінде нәзік жандылардың көңілдері нұрға, жүректері жырға бөленді.9-сынып оқушылары өткізген концерттік бағдарлама жиналған ұстаздар қауымына көтеріңкі көңіл күй сыйлады. Шырқалған әсем әнмен, мың бұралған биші қыздарымыздың өнері жиналған қауымды тамсандырса, сахнада қойылған тәрбиелік мәні зор Ана туралы көріністер көпшіліктің қошеметіне бөленді. Сонымен қатар, ұстаздар қауымы да әннен шашу шашып, мерейлі мерекенің шырайын ашты. Шараға қатысқан мектеп директоры Рүстем Сайынұлы әйелдер қауымын құттықтап, бірнеше ұстаздарға марапат қағаздарын ұсынды.Мерейлі мерекеге жиналған ұстаздар қауымы ұйымдастырушыларға алғыстарын айтып, оқушылардың өнерлеріне тамсанып, тамаша көңіл күймен тарқасты.