Денсаулық фестивалі

Денсаулық фестивалі

Оқушылардың белсенді өмір салтын жүргізуге назарларын аудару, денсаулық үшін қимыл белсенділігінің артықшылықтары туралы хабардар болуын арттыру мақсатында 28.04.2023 жылы «Денсаулық фестивалі» ұйымдастырылып, 1-11 сыныптан 680 оқушы қатысты. Фестиваль мектеп алаңында қатысушылардың сапқа тұруынан басталып, ҚР-ның Әнұраны орындалды. Мектеп директоры Р.Темербеков фестивальдің ашылуымен құттықтап, 3-11 сынып оқушылары «Дені саудың рухы сау», «В здоровом теле здоровый дух!», «Дені саудың жаны сау», «Мен дене шынықтыру үшін!» ұрандарымен спорттық жарыстарға, флешмобқа белсене қатысты. Денсаулық фестивалі барысында мектеп медбикесі Ж.Каирбаева дене белсенділігі, салауатты тамақтану, дене салмағының өлшемі, шылым шегу зияны, жүрек-қан тамыр жүйесі туралы ақпарат берді. 5-11 сыныптар арасында спорттық жарыстар: футбол, жеңіл атлетика, ұлттық ойындар, баскетбол, үстел теннисі, волейбол ойнатылса, бастауыш сыныптар үшін эстафеталық ойындар мен асфальтқа сурет салу ойындары ұйымдастырылды. Жарыстарға ұстаздар қауымы да атсалысып, белсенділік танытты. Жарысқа қатысқан оқушылар арнайы марапаттарға ие болды.