«Табиғат сенің өз үйің»
«Табиғат сенің өз үйің»
Әр ұлт пен ұлыстың табиғатты пайдалануда, қорғауда ғасырлар бойы қалыптасқан өзіндік дәстүрлері, нанымдары, құндылықтары болатыны белгілі. Бұл әкенің қанымен, ананың сүтімен ұрпақтан-ұрпаққа үздіксіз дарып отыратын асыл қасиет. Туған жерге, Отанға деген сүйіспеншілігін арттыру, экологиялық білімді қалыптастыру, туған жер табиғатты қорғауға баулу мақсатында 9-11 сынып оқушылары арасында «Табиғат сенің өз үйің» тақырыбында тәрбие сағаты өтті. Тәрбие сағаты барысында биология пәні мұғалімі Н.Тасболатова оқушыларға табиғаттың адам өміріндегі зор маңыздылығын насихаттай отырып, оны аялауға, сақтап қорғауға өз үлестерін қосуға жұмылдырып, мейірбандыққа баулыды, сонымен қатар экологиялық білімдерін молайтып, Экологиялық білімі мен тәрбиесі аз адамда экологиялық сана болмайтынын, экологиялық сана төмен адамда қоршаған ортаға деген жанашырлық болмайтынын ескертті, Сонымен қатар табиғат күллі тіршілік атаулының құтты қоныс, мекені, алтын ұя, бесігі, құт берекесі екенін, адам үшін табиғат ең қастерлі ұғым екенін тілге тиек етіп, табиғатты қорғау – бәріміздің борышымыз, өйткені, қазір теңізіміз тартылып, орманымыз кесіліп, құнарлы жерлеріміз сортаңданып қалғанын айтып өтті. Экология мәселесі негізгі мақсат болғандықтан, табиғат, адам, қоршаған орта туралы оқушылар оқығандары мен білгендерін ортаға салып, «Сұрақ бізден, жауап сізден» атты сайыс түрінде өткен жауаптарға белсене жауап беріп, өз пікірлерімен бөлісті.
