01
октябрь
2022
Зейнеткер ұстазбен кездесу
5 «ә» сынып оқушылары А.Байтұрбаеваның жетекшілігімен 1 Қазан – қарттар күніне орай М.Байысов атындағы орта мектебінде 37 жыл еңбек еткен зейнеткер – ұстаз Тілектес Құрманқұлқызының үйіне барып, Мұғалімдер күнімен және Қарттар күнімен құттықтап, өз жылы лебіздерін білдірді. Оқушылар ұстазға арналған өлең жолдарын тарту етсе, Тілектес Құрманқұлқызы балаларға разылығын білдіріп, алғысын жаудырды.
Андасбаева Тілектес Құрманқұлқызы, 1943 жылы 7 желтоқсанда Ескелді ауданы Алдабергенов ауылында дүниеге келген. Өзінің балалық шағы мен өмір жолын туған жері Алдабергенов ауылында өткізді. Қазіргі уақытта - 79 жастағы бақытты ана, жақсы тәрбиеші және жақсы ана болу арманын жүзеге асыра алған орасан өмірлік тәжірибесі бар кейуана.
