Ескелді Жылкелдіұлының туғанына 330 жыл
Ескелді Жылкелдіұлының туғанына 330 жыл
Ескелді Жылкелдіұлының туғанына 330 жыл толуына орай оқушыларға Ескелді атамыздың өмірі, саяси қызметі, ерлік істері туралы мәлімет беру, тарихи тұлғаның ерлігі жайында кеңінен мәлімет беру, қазақ тарихындағы батырдың алатын орнын анықтау мақсатында қазақ тілі пәні мұғалімі А.Амирханова 6«ә» сынып оқушылары арасында «Ескелді би — даналықтың дариясы» тақырыбында тәрбие сағатын ұйымдастырды. Тәрбие сағаты барысында оқушыларға Жетісудың атақты ақындары Сүйінбай мен Бақтыбайдың жырларына арқау болған, Абылай ханның үзеңгілесі, ел қорғаны, халық арасында көсемдігімен, сөз бастаған шешендігімен щоқтығы биік болған Жылкелдіұлы Ескелді батырдың ғұмыр жолы, ерлігі бүгінгі өскелең ұрпаққа үлгі-өнеге екенін, көзінің тірісінде әулие атанған, әрі шешен, әрі батыр Ескелді бидің кейбір заттарын ұрпақтары әлі күнге дейін көздің қарашығындай сақтап отырғанын, қазіргі Жетісу облысы Қаратал ауданындағы Сарыбұлақ ауылында орналасқан Ескелді-Балпық мұражайы туралы, сонда Ескелді ұрпағы Әлбилан баласы Нұрсағат қария сақтап тапсырған дулыға көрмеге қойылғанын атап өтті.
