«Тәуелсіздік таңы»
«Тәуелсіздік таңы»
14.12.2022 жылы Қазақстан Республикасының Тәуелсіздік күніне орай Желтоқсан көтерілісінің сипатын насихаттай отырып, Желтоқсан құрбандарын мәңгі есте сақтау, тәуелсіздік бастауы ызғарлы Желтоқсан оқиғасы екенін жете түсіндіру, жас ұрпақ бойында еліне, жеріне, ұлтына деген патриоттық сезімін қалыптастыру, Желтоқсан оқиғасының арқасында талай жылдар бойы армандаған егемендікке қол жеткізгенімізді, осы тәуелсіздікке жету жолында талай боздақтарымыздың жалған айыппен шейіт болғандарын оқушыларға жете түсіндіру, оқушылардың дүниетанымын кеңейту мақсатында А.Шомакова 3 «а» сынып оқушылары арасында «Тәуелсіздік таңы» атты тәрбие сағатын өткізді. Тәуелсіздікті алу тарихына, Тәуелсіздіктің маңыздылығын түсіндіруге бағытталған тәрбие сағаты 1 минуттық үнсіздіктен басталып, ата-бабамыздан аманат болып қалған өз жерімізді өзіміз басқаруымыз үшін тәуелсіздік жолында қазақтың біртуар жастары қыршынынан қиылып, қасық қанын төккені туралы бейнефильмдер көрсетілді. Қазақ халқы 1986 жылдың желтоқсанында тар жол тайғақ кешуден өткенін, бүкіл бір ұлттың сүйегіне таңба түсіріп, әділетсіз шешім қабылданып, халықтың ар - намысы таразыға салынған сын сағатта дүлей күшке қамықпай, қарсы шыға келген жастарымыздың ерен ерлігі ешқашан ұмытылмайтынын сөзге тиек етті.
