«Менің сүйікті ертегім »

Балаларды жас кезінен кітап оқуға қызықтырып, баулу мақсатында 18 сәуір күні Байысов атындағы орта мектеп кітапханасында «Оқуға құштар мектеп» жобасы аясында «Менің сүйікті ертегім» атты ертегі оқулары ұйымдастырылды. Әлем халқы ертегіге өте бай. Әдеби шығармалардағы кейіпкерлер мен ондағы оқиғаларды көз алдына елестетіп, бейнелеу онша оңай емес, бірақ өте қызықты. Ол шығарманы терең, шығармашылық қызығушылықпен оқып шығуды талап етеді. Әрбір халықтың үміт тілегі, аңсаған арманымен бірге жасасып келе жатқан ғажайып ертегілері баршылық, яғни ертегі - адам қиялының қазынасы, халық шығармашылығының бір көрінісі. Енді суретшілердің сан алуан ертегілерге жасаған көп иллюстрацияларының кейбіріне назар аударайық.

Еліміздің белгілі суретшілері ертегілерге иллюстрация жасауға да аянбай ат салысып келеді. Иллюстрация дегеніміз - ертегі мазмұнына арналып салынған сурет. Ертегіні балалар ес кіргеннен бастап тыңдап, есейгенге дейін оқып, үнемі қызықтаумен болады. Ертегі баланы еркін ойлауға, армандап қиялдауға, шындықты танып білуге баулиды.
Ертегілер жанрлық ерекшелігіне қарай бірнеше топқа бөлінеді. Олар: хайуанаттар туралы ертегілер, қиял- ғажайып ертегілер және тұрмыс –салт ертегілері. Балаларға «Хайуанаттар» туралы ертегілер ұнайтынын білдіріп, ертегілердің түрлерін біліп алды.