«25 қазан - Республика күні»
«25 қазан - Республика күні»
Оқушыларды туған жерін, туған елін, халқын ардақтап өтуге үйрету, бақытқа жетер даңғыл жолдың бірі - туған Отанды сүюден басталатынын түсіндіру, Отанға деген патриоттық сезімдерін ояту мақсатында 21.10.2022ж. «25 қазан - Республика күні» тақырыбында 2 «а», «ә»-сынып оқушылары арасында тәрбие сағаттары ұйымдастырылды.
Мемлекеттік гимннің орындалуымен басталған тәрбие сағаты барысында 2 «а» сыныбының жетекшісі Г.Ахметова оқушыларға 13 жылдан соң 25-қазан Республика күні ретінде қайта бекітілгенін, Республика күніне Ұлттық мереке мәртебесі берілгенін, Мемлекет басшысы Қасым-Жомарт Тоқаев 29 қыркүйек күні тиісті заңға қол қойғанын айтып өтіп, рухани құндылығымызды, қазақы қайсар рухымызды, бай тарихымызды, бабадан қалған даланың мұрагері ретінде алты алашты әлемге таныту арқылы осы тарихи датаның біз үшін қасиеттілігін түсіндіріп өтті.
2 «ә» сыныбының жетекшісі С.Қияқбекова оқушыларға Қазақстан – тәуелсіз мемлекет екенін, Қазақстанды әлемнің жүзден астам елі танитынын, біздің еліміз дүние жүзіндегі ең ірі мемлекеттермен жан-жақты карым-қатынас жасайтынын атап өтсе, оқушылар «Тәуелсіздік – елімнің ерлік жолы» тақырыбында өздерінің Отанға деген тақпақтарын мәнерлеп оқыды.
