«Музей сабақтары»

«Ескелді ауданы әкімдігінің М.Байысов атындағы орта мектебі мектепке дейінгі шағын орталығы» КММ 2021-2022 жылға арналған «Музей сабақтары» жобасы аясында 10-сынып оқушылары арасында музейге саяхат ұйымдастырылып, Музей қызметкерлері Ұлы Отан соғысы және еңбек ардагері Шойынбеков Мейманқұлдың туғанына 120 жыл толуына орай "Еңбегі ерен тұлға" атты такырыптық экскурсия өткізді. Экскурсияның мақсаты: халқына сіңірген Ұлы Отан соғысы ардагерінің ерлігі мен еңбегін насихаттай отырып, ізгі ұрпақты имандылыққа, адамгершілікке, еңбекқорлыққа, Отансүйгіштікке тәрбиелеу.

Сонымен қатар Н.Алдабергеновтың мемориалды музейі айтыс ақыны Бақтыбай Жолбарысұлының туғанына 180 жыл толуына орай "Бақтыбай мұрасы-ұрпақ қазынасы" атты такырыптық экскурсия өткізді. Экскурсия барысында 5-сынып оқушыларына ақынның өмірі жайлы, тіл құдіретімен жалпақ жұртты аузына қаратқандығын, әсіресе, суырыпсалма ақындық дарынын, ақиқатты айтатын қайтпас қайсар, өр мінезі оны асқақтата түскенін айрықша атап өтті. Оқушылар Бақтыбай ақынға байланысты сұрақтарын қойып, тұжырымды жауап алды.

5-11 сынып оқушылары арасында апта сайын музейге саяхат ұйымдастырылып, М.Байысовтың қолданған тұрмысқа қажетті бұйымдары және еңбек құралдарымен, мектеп тарихына қатысты көптеген құнды материалдармен таныстырылады. М.Байысовтың өмірі мен ерен еңбектері, ауыл белсенділері жайлы мағлұматтар тұрақты түрде беріліп тұрады.