«Музей сабақтары»

«Ескелді ауданы әкімдігінің М.Байысов атындағы орта мектебі мектепке дейінгі шағын орталығы» КММ 2021-2022 жылға арналған «Музей сабақтары» жобасы аясында 10-11 сынып оқушылары арасында музейге саяхат ұйымдастырылып, М.Байысовтың қолданған тұрмысқа қажетті бұйымдары және еңбек құралдарымен, мектеп тарихына қатысты көптеген құнды материалдармен танысты.

Сонымен қатар Н.Алдабергеновтың туғанына 115 жыл толуына орай Н.Алдабергенов мұражайына саяхат ұйымдастырылып, оқушылар екі мәрте Социалистік Еңбек Ері (1948, 1958), Қазақстандағы колхоз құрылысын алғаш ұйымдастырушылардың бірі, қоғам қайраткері Н.Алдабергеновтың өмірбаянымен танысты.